کێ بوو وای کرد لێت دوور ببم
نزیک نەبم، بێ ئاگا بم
هەرکات هاتی خۆت نزیک کرد
خۆم دوور ئەگرت، سەیرت ئەکرد
نەمگرت قەدری ئەو ئەوینەت، مانای ئەو نیگا شیرینەت
تێنەگەشتم زۆر هەڵە بووم لەو بزە و ئاوازچڕینەت
خۆشەویستم، خۆم دوور ئەگرت ناوت بردم حاشام ئەکرد
لێت بێباک بووم، ئەمسووتاندی، ئەمگریاندی، ماچمت ئەکرد
کێ بوو وای کرد لێت دوور ببم
نزیک نەبم، بێ ئاگا بم
هەرکات هاتی خۆت نزیک کرد
خۆم دوور ئەگرت، سەیرت ئەکرد
کە ئەهاتی نەمەزانی ڕۆژێک دێ پڕ پەشیمانی
ئێستاش بۆ تەنیا بینینێک وا ئەمکوژێ چاوەڕوانی
بێباکیش بی، بێتاوانی، تۆ هەقیت و بە ویژدانی
هەموو دونیا لە تۆ گەیشت کەچی من هەر پێم نەزانی
هەرچەن عیشق بێسنوورە کۆشم پڕ لە گوڵی سوورە
بەڵام هێندە تاوانبارم، ڕووم نییە گوڵم ببوورە
کێ بوو وای کرد لێت دوور ببم
نزیک نەبم، بێ ئاگا بم
هەرکات هاتی خۆت نزیک کرد
خۆم دوور ئەگرت، سەیرت ئەکرد