هەی شەمی شەوان، هەی شەمی شەوان
هەی شەمی بە شەوق چل چرای شەوان
هەی ژیانی من هەی ڕۆحی ڕەوان
هەی گلێنەکەی دیدەی بێ خەوان
هەی عەنبەرین خاڵ سۆسەنی کڵاف
هەی ڕووناکایی ڕەشماڵانی جاف
هەی من پەروانەی پڕسووتاوی* تۆ
هەی من گیرۆدەی زوڵفی خاوی تۆ
تۆ جارێ نایەی بۆ سەروەختی من
گوێ ناگری بە ئاه زامی سەختی من
ناپرسی ئاخۆ من بۆ تۆ چۆنم
بێباکی لە تین قرچەی دەرونم
بێباکی لە تین ئەی هاوار قرچەی دەرونم
بێ مروەتیت کرد هەی شەم دەربارەم
من بۆ تۆ قەیسی سیاستارەم
هەوای کوێستانت وابۆ بووەوە
حەیفت کرد منت لەبیر چووەوە
حەیفت کرد منت ئەی شەم لەبیر چووەوە
هەی شەمی شەوان هەی شەمی شەوان
هەی شەمی بە شەوق چل چرای شەوان