
هەورە هانام هێناوە دڵ بێقەرارە
یارە شیرینەکەی من تازەهەوارە
هەورە توخوا مەبارە
مەبارە یار نازدارە
ئازیزم بارگەی لە ڕێیە
دڵەکەی مەجنوونی پێیە
بارگەی بار کرد بۆ ئەو هەوارە
چاوجوان ڕۆیی دڵم غەمبارە
هەورە توخوا مەبارە
مەبارە یار نازدارە
تاپۆی کۆچی ئازیزم لە دوور دیارە
هەورە دەخیل مەبارە دڵ بێقەرارە
ئازیز لە ڕێی هەوارە
با تەڕ نەبێ نازدارە
هەورە توخدا مەگرمێنە
دڵی ناسکی مەلەرزێنە
بارگەی بار کرد بۆ ئەو هەوارە
چاوجوان ڕۆیی دڵم غەمبارە
هەورە توخوا مەبارە
مەبارە لەو نازدارە