ڕۆژێ لێم زیزی، ڕۆژێ ئەمدوێنی
پەیمان ئەبەستی ئاخ پەیمان ئەشکێنی
سەرم سووڕماوە من چۆن تێت بگەم
هەر ڕۆژ بەجارێ تۆ خۆت دەنوێنی
وەرە، وەرە، وەرە باوانم پەیمان مەشکێنە
دەبا چیی تر خەڵکی شار نەڵێن پەیمانشکێنە
زوو وەرە ئەمجارە، زیزبوونت مەرگی هێنا
دەستم بەر نابێ لەم چاوە جوانە
دڵ لێت تێر نابێ شیرینی گیانە
رۆی زیزبوونت ئاگربارانە
چۆن دڵت دێنێ تۆ بمسووتێنی
ئاخ وەرە، وەرە، وەرە باوانم پەیمان مەشکێنە
دەبا چیی تر خەڵکی شار نەڵێن پەیمانشکێنە
زوو وەرە ئەمجارە، زیزبوونت مەرگی هێنا
ئاخ زوو وەرە ئەمجارە، زیزبوونت مەرگی هێنا