دەسماڵ حەریری دووبەر مێردت کرد خۆڵم وەسەر
ئەگەر حەز ئەکەی نەمرم بمشێلە ڕەش ئەسمەر
ئەی بێنە وەی بۆم بێنە ئەو گەردنە زەردەت بێنە
کابانێ دەوڵەمەند لێی جوانە بەرهەڵبێنە
دەسماڵ حەریری سادە نە عەیبە نە ئیرادە ڕووبەندت بۆ من لادە
وەی نە عەیبە نە ئیرادە بۆ ڕووبەند چاکم لێوئاڵ بە ڕووی خاڵانم دادە
هەی بێنە وەی بۆم بێنە ئەو گەردنە زەردەت بێنە
کابانی دەوڵەمەندە لێی توند کرد بەرهەڵبێنە
باڵابەرز و گرد و مرد دەستم لەبۆ مەمکی برد
کوڵمی سێوی لاسوورە تێیدایە خاڵی ورد ورد
ئاورت لە من بەرداوە من کفری وام بۆچی کرد
هەی بێنە وەی بۆم بێنە ئەو گەردنە زەردەت بێنە
کابانی دەوڵەمەندە شل و مل و خەمڕەوێنە
دەسماڵی حەریری سوور قەدی دەڵێی بلوورە
قسە دەکات بە زاری هەر دەڵێی ساز و سەمتوورە
ئاوری لە من بەرداوە کافر و لە خودا بەدوورە
خزمینە مەمکەن لۆمە بەلەکی دەڵێی توورە
هەی بێنە وەی بۆم بێنە ئەو گەردنە زەردەت بێنە
کابانی دەوڵەمەندە لێی توند کرد بەرهەڵبێنە
بەرهەڵبێنەکەی شینە شیرینە دەڵێی هەنگوینە
گاور حاڵم ببینە بۆت وەرگەڕام لە دینە
ئاوری لە من بەرداوە هەر وەک کۆلکەزێڕینە
هەی بێنە وەی بۆم بێنە لێی جوانە بەرهەڵبێنە
کابانی دەوڵەمەندە لێی توند کرد بەرهەڵبێنە
هی من بێ بۆت دەفرۆشم هەموو موڵکی سندۆڵان
*؟ کۆڵان بە کۆڵان
بۆ تۆ نەمام خات تووران ماڵی بابت بێ وێران
هەی دەڵێم بمدەیە ماچێ کەنگێ ببین کچێ دەست لە ملان
ئەی بێنە وەی بۆم بێنە لێی جوانە بەرهەڵبێنە
کابانی دەوڵەمەندە لێی توند کرد بەرهەڵبێنە