یارە جوانەکەم گوڵی شۆخ و شەنگ
غونچیلانەکەم دڵگوشای دەمتەنگ
لە باغی ساوا پاوانی سینە
پەنجەم سەرگەرمی لیمۆ گوشینە
سەر کۆڵمەی گەشت برەوبەری گوڵ
خوا داویە بەشت گشت نیازی دڵ
لە باغی ساوا پاوانی سینە
پەنجەم سەرگەرمی لیمۆ گوشینە
بە قژی زێڕینت بە لێوی ئاڵت
بە چاوی شینت بە دانەی خاڵت
لە باغی ساوا پاوانی سینە
پەنجەم سەرگەرمی لیمۆ گوشینە
ئەوشۆ وا دیارە قەدری دڵانە
جەنگەی بەهارە و مانگی گوڵانە
لە باغی ساوا پاوانی سینە
پەنجەم سەرگەرمی لیمۆ گوشینە
تۆی شلک و ناسک، تۆی وا نەرم و نۆل
تۆی سڵ وەک ئاسک تۆی وا خڕ و خۆڵ
لە باغی ساوا پاوانی سینە
پەنجەم سەرگەرمی لیمۆ گوشینە
ئەو سینەی نەرمت لە دڵ چەسپاندم
تارمایی شەرمت لە ڕوو تاراندم
لە باغی ساوا پاوانی سینە
پەنجەم سەرگەرمی لیمۆ گوشینە