هەم نارنجە و هەم سێوە گیانە هاوار یا شێخی کرێوە
غەم و مەراقی یارێ گیانە ئیشکی کردووم بە پێوە
دایکی مەمکی داوەتێ جوانێ کوا وەکوو منی دڵ پێوە
یاخودا نەبارێ باران تاقەگوڵەکەم بە ڕێوە
دەی دەی نایلۆنە
نایلۆنە گیانە نایلۆنە ئاخر لەم نایلۆنی خەت خەتی
وەک بەختەکەی من ڕەشە جوانێ خاڵەکەی سەر ڕوومەتی
بە سابڵاغێ پێک نایە ئاخ موکریانە قیمەتی
دەی دەی نایلۆنە
چارەم ناکا ئیفلاتوون گیانە دڵ کەوتووە و بێقەرارە
بەو سەیدەی سەفاخانە گیانە هاوار یا شێخی بیارە
غەم لەشکری کێشاوە ئاخ بۆ سەر ئەمنی بێچارە
دەی دەی نایلۆنە
نایلۆنە گیانە نایلۆنە ئاخر نایلۆنەکەی لێ دڕاوە
گوڵی باغی ئاڵاوە هاوار تازەی سەر دەرهێناوە
حەو ساڵان یاری من بووی ئاخ بۆچی نەتکرد ماڵاوا
دەی دەی نایلۆنە
بۆچی مەعنای نازانی گیانە زیزی بێمە سڵاوت
شێتی باڵای بەرزت بووم گیانە وەختە بمرم لە تاوت
هەڵوەدای چاوی ڕەشم گیانە ئاخ ئەسیری زولفی خاوت
سەروماڵم دەفرۆشم ئاخ بۆ زێڕی تاسکڵاوت
دەی دەی نایلۆنە
نایلۆنە گیانە نایلۆنە ئاخر نایلۆن نییە مەنتۆیە
خەڵکی مەستی شەراب بێ گیانە دڵەکەی من مەستی تۆیە
بە پێشوازی باڵات بێ خەڵکی سابڵاغ و شنۆیە
دەی دەی نایلۆنە
تۆ زیزی من زیز نابم گیانە تۆ شیشی من کەبابم
داوای ماچێکم لێ کرد جوانێ بەو جوورەی خەراب نابم
غەمت لە من ڕادەبرێ زیز مەبە ماڵەبابم
دەی دەی نایلۆنە
نایلۆنە گیانە نایلۆنە ئاخر لێم ناپرسی بڵێی چۆنە
خۆ من کفرم نەکردووە گیانە هەر دەڵێم نایلۆنی خۆمە...