لە وڵاتی خۆمان ئەرێ خۆمان کێوێک دیارە
ئەی خودا هاوار ئەی موسڵمانان
بە قەد ئەو کێوەی، ئەو کێوەی غەم لە دڵم بارە
ئەی خودا هاوار ئەی موسڵمانان
هەتا مەیلت بوو، مەیلت بوو بە مەیلت ژیام
ئەی خودا هاوار ئەی موسڵمانان
ئێستا کە بێمەیلی، کە بێمەیلی خۆ منیش دڵنیام
ئەی خودا هاوار ئەی موسڵمانان
بێژن ئەی وە گوڵاڵە سوورەکان سەر دەر نەهێنن لە خاک
چونکوو دڵەکەی من کەسم ئامان ئۆف ئەرێ نیشتووە وە غەمناک
ئەگەر نەکەرۆ ڕەحمێک بە حاڵم
بە مەیلت قەسەم وێرانە ماڵم
چ خودابەردارە، بەردارە غەرقم کەی لە غەم
ئەی خودا هاوار ئەی موسڵمانان
ڕوحمی خێرت بێ، خێرت بێ یان زۆر و یان کەم
ئەی خودا هاوار ئەی موسڵمانان