تۆ گوڵی جوانی نێو بەهارانی
تۆ وەکوو خۆری دەم ئێوارانی
وێنەکەت ون نابێ لە چاوانم
تۆ لە ناو دڵمای مانای ژیانی
ئارامی ئەدا بە دڵ ئەوینت
جوانی ئەبارێ لە پێکەنینت
مەست ئەبم لەگەڵ چرپە و نازی تۆ
خەیاڵم ئەبا شێوەی شیرینت
لەبەر پەنجەرەی جوانیت وەستاوم
بەس تۆ ئەبینێ سۆمای دوو چاوم
ئەگەر ژیانم وەک بەهەشتیش بێ
بەبێ باڵای تۆ هەر تەنیا ماوم
نیگاری جوانی و خۆشەویستی تۆ
وشەی شیرینی پڕ لە هەستی تۆ
خەڵاتی خوایە بۆ ژیانی من
دەستم ئەبینم لەناو دەستی تۆ
پەیمان بێ ئازیز فریشتەی جوانی
ژیانت پڕ کەم لە کامەرانی
بەسەر باڵاتا گوڵ ببارێنم
بتکەم بە هاوڕێ لەگەڵ گۆرانی
تۆ گوڵی جوانی نێو بەهارانی
تۆ وەکوو خۆری دەم ئێوارانی
وێنەکەت ون نابێ لە چاوانم
تۆ لە ناو دڵمای مانای ژیانی
ئارامی ئەدا بە دڵ ئەوینت
جوانی ئەبارێ لە پێکەنینت
مەست ئەبم لەگەڵ چرپە و نازی تۆ
خەیاڵم ئەبا شێوەی شیرینت