پەیمان ئەدەی لە بیر ئەکەی
دڵی شادم زویر ئەکەی
ئێستەش چۆن بڕوات پێ بکەم
بڕۆ بڕۆ درۆ ئەکەی
وتنی ڕاستت لەلا نییە
دڵداری لەلای تۆ چییە!؟
پەیمانیشت دەم دەمییە
بڕۆ بڕۆ درۆ ئەکەی
دڵداری لات هەر گاڵتەیە
کە ئەمبینی ئەم کاتەیە
پێشم ئەڵێی هەر تۆم هەیە
بڕۆ بڕۆ درۆ ئەکەی
گەر تۆ یارێکی دڵداری
وەکوو من دڵ بە ئازاری
ناکەی کاری نالەباری
بڕۆ بڕۆ درۆ ئەکەی
پەیمان ئەدەی لە بیر ئەکەی
دڵی شادم زویر ئەکەی
ئێستەش چۆن بڕوات پێ بکەم
بڕۆ بڕۆ درۆ ئەکەی