لە هەر لایێک یان لە کوێ بم
لە هەندەران یاکوو دیل بم
تۆتۆی دڵم پڕ ئەوینە
بیرت لە دڵ زۆر بە تینە
دەچم هەوراز لای هەوران
هاوار ئەکەم لای پەرییان
ئای کە بیری، گیان کە بیری
ئای کە بیری تۆ دەکەم
گیانە بیرت ئەکەم
هاوار بیرت ئەکەم
وەڵڵا بیرت ئەکەم
خۆشەویستی من لەگەڵ تۆ
بەرهەمی ژیان و خەباتە
وەک بەهاری کوردەواری
پڕ گوڵ و لافاوی سەختە
جارێ بە گوڵ جارێ بە دڵ
بیر و یادی تۆم مەبەستە
ئای کە بیری، گیان کە بیری
ئای کە بیری تۆ دەکەم
گیانە بیرت ئەکەم
هاوار بیرت ئەکەم
وەڵڵا بیرت ئەکەم
هیوای سەربەستی
مەرهەمی زام و برینم
ئەمن کوردم ڕاهاتووم
دەمێ لە شاخ، گاه لە شار بم
دەبێ بزانی ئازیز
دەبێ ئەو ڕۆژە لەلات بم
ئای بۆ ئەو ڕۆژ، گیان بۆ ئەو ڕۆژ
ئای بۆ ئەو ڕۆژە لەلات بم
گیانە لەلات بم
هاوار لەلات بم
گیانە لەلات بم