حەسەن زیرەک

نییە لە ماڵ

بە دەنگی: حەسەن زیرەک
ئەلبۆم: ڕادیۆ کرماشان
شێوەزار: سۆرانی
143
چاوت نەرمە لە چاو نەرمان
پڕت کردوون لە کلە و دەرمان
بۆت هەڵنایە لەبەر شەرمان
هەرچی دەچم نییە لە ماڵ
لە ماڵ نییە قەت نییە لە ماڵ
نییە لە ماڵ یاری خۆشجەماڵ
مەمک پرتەقاڵ نییە لە ماڵ

ئەو چاوانەی هەڵیان دێنێ
بە کلە و دەرمان دەیڕەنگێنی
بۆ لێم زیزی نامدوێنی
هەرچی دەچم نییە لە ماڵ
لە ماڵ نییە قەت نییە لە ماڵ
نییە لە ماڵ یاری خۆشجەماڵ
مەمک پرتەقاڵ نییە لە ماڵ

چاوی ڕەشت ڕەش و بێشن
ئەبرووت بە جووت قەڵەمکێشن
زۆر نەترس و بێئەندێشن
هەرچی دەچم نییە لە ماڵ
لە ماڵ نییە قەت نییە لە ماڵ
نییە لە ماڵ یاری خۆشجەماڵ
مەمک پرتەقاڵ نییە لە ماڵ

ئەو چاوانەی بەخومارەوە
مەمکت سێون بە دارەوە
خودا داویە مەیشارەوە
هەرچی دەچم نییە لە ماڵ
نییە لە ماڵ قەت نییە لە ماڵ
نییە لە ماڵ یاری خۆشجەماڵ
مەمک پرتەقاڵ نییە لە ماڵ

چاوت ڕەشە و ئەبرۆت بە گۆل
بەو خاڵانەی دەورەی لیمۆت
دایکت ماچ کەم یان هەر بۆخۆت
هەرچی دەچم نییە لە ماڵ
لە ماڵ نییە قەت نییە لە ماڵ
نییە لە ماڵ یاری خۆشجەماڵ
مەمک پرتەقاڵ نییە لە ماڵ

چاوی ڕەشت بۆم هەڵێنە
مەرد و مەرادانە بمدوێنە
کلەی چاوت لێم بستێنە
هەرچی دەچم نییە لە ماڵ
نییە لە ماڵ نییە لە ماڵ
یاری خۆشجەماڵ مەمک پرتەقاڵ
نییە لە ماڵ