فەڵەک تاڵەی من
فەڵەک لە ئەزەڵ
گەن بی تاڵەی من
هیچکەس خەو نییەکەید
شەو لە ناڵەی من
تف لە چارەگەی لە تفڵی سیام
کاشکا لە داڵگ لە بار بچیام
قامەتم لە ژیر بارێ خەم چەمی
مردن بێترە لە هاوماڵ کەمی
نیەزام چە کردم چە کەفت لە مشتم
ڕی کاوە گردم حەجاجان کوشتم
فەڵەک دڵیەسی بکیشم جەفا
دەور بییەم لە دەور دنیای بیوەفا
فەلەک گەدا بای
حەفتەی دۆ حەفتە چۊ وە من وە پید بای
بیکەسی بمری شینی یەی دەمە
دووس لە دووس بڕیان خەیلی ستەمە
ترسم بمرم نەۊنمەدەوە
وە جوانەمەرگی سەر بنەمەوە
یەدی دەردێ دڵ با هەر لە دڵ بوو
دڵەگەد چۊ تاوێ تیان لە کوڵ بوو