من بە فرمێسکی ڕنووی کوێستانی کورد پەروەردە بووم
کوڵمی ئاڵ و چاوی کاڵ و سینگی بەفرینم دەوێ
خۆشەویستی من کچە کوردێکی پاک و نازەنین
باخەوانە پیرەم و باخی بە پەرژینم دەوێ
من تەشیڕێسێکی وەک شیرنی 'وەفایی'م بۆ چییە؟
کیژی وریای چاوکراوەی فێرە زانینم دەوێ
ئارەزوومە هەرچی ئینسانە بە ئازادی بژی
چۆن گەلی داماو و دیل و مات و خەمگینم دەوێ
بۆچی منت ناوێ
خۆ من بەبێ تۆ گیان و گیان هەڵناکەم تاوێ
خۆ من بەبێ تۆ ئەی هاوار دڵم ناسرەوێ
هەتا مەیلت بوو بە مەیلم کردی
ئێستا تۆش بێمەیلی هاوار وامزانی مردی
بۆچی منت ناوێ
خۆ من بەبێ تۆ گیان و گیان دڵم ناسرەوێ
خۆ من بەبێ تۆ ئەی هاوار هەڵناکەم تاوێ
جوانی جوانی جوانی جوانی...
ئاسکی شاخ و کارمامزی گەرمیانی
چاوی ڕەشت ئارەق دەکا
بە ئیشارە بانگم دەکا
دەڵێ فەرموو ماچم بکە
جوانی جوانی جوانی جوانی...
ئاسکی شاخ و کارمامزی گەرمیانی
چاوی ڕەشت بە خومارەوە
مەمکت سێوە بە دارەوە
خوا پێیداوی مەیشارەوە
جوانی جوانی جوانی جوانی...
ئاسکی شاخ و کارمامزی گەرمیانی