چاوی وەک پیاڵە ئەبرۆی پەیوەستە
زولفی ئاڵۆزە و شانەی بە دەستە
بۆ جوانکردنی خۆی چەندە تەڕدەستە
بە شنەشنەی شەماڵ زولفی ڕادەژێ
بە گۆشەی چاوان ئەمن دەکوژێ
لە تۆ شیرینتر جوانێک نێ لە دێ
شەماڵ نایەڵی زولفی دابێنێ
وەختە شانەکەی لە دەست بفڕێنێ
بە گۆشەی چاوی جەرگم دەردێنێ
بە شنەشنەی شەماڵ زولفی ڕادەژێ
بە گۆشەی چاوان ئەمن دەکوژێ
لە تۆ شیرینتر جوانێک نێ لە دێ
توخوداکەی شەماڵ لەسەرخۆ وەرە
ڕازی دڵەکەی من بۆ یارێ بەرە
چۆن لە دەردی من یار بێخەبەرە
بە شنەشنەی شەماڵ زولفی ڕادەژێ
بە گۆشەی چاوان ئەمن دەکوژێ
لە تۆ شیرینتر جوانێک نێ لە دێ
شەماڵ دە وەرە بێنە خەبەرێ
پێم وایە یارم دەچتە سەفەرێ
وا بکە دڵەکەی من دەگەڵ خۆی بەرێ
بە شنەشنەی شەماڵ زولفی ڕادەژێ
بە گۆشەی چاوان ئەمن دەکوژێ
لە تۆ شیرینتر جوانێک نێ لە دێ