خانێ وەی خانێ
من ئێستا وەک مەراق ئامادە و چون هاوار لەسەر پێم
وەی خانێ وەی خانێ وەی خانێ ئاخ
ئەپرسم
ئاخ ئەپرسم لە پێشدا
پێ بخەمە کام خاکی واوەیلا
و کام عەردی زریکە
و کام وەرزی کوژراوی لەشمەوە
وەی خانێ ئاخ
خانێ وەی خانێ وەی خانێ...
واوەیلا وەیڕۆ وەی خانێ
وەی خانێ ئاخ
سەرەتا بچمە ناو کام گەرووی زایەڵە
و کام ماڵی گەڕۆکی مەرگمەوە
وەی خانێ ئاخ
یەکەم جار سەرم بکەم
بە چیدا؟
بە تەمدا؟
بە خوێندا؟
بە گڵدا؟
بە کوێدا؟
وەی خانێ وەی خانێ
لەبەر دەم کام دەشتی شیوەن
و کام هەوای خنکاو
و کام گۆڕی ئەستێرە
و دەربەندی قیژەدا بوەستم
وەی خانێ
وەی خانێ
پێم بڵێن چۆن بڕۆم
وەی خانێ وەی خانێ
ڕاستەوڕاست؟
بەرەو خوار؟
بەرەو ژوور بۆ لای خوا؟
چۆن بڕۆم؟
وەی خانێ وەی خانێ ئاخ
بەرانبەر سەرابی خۆراوا مل بنێم
یان هەڵمی سورباوی ڕۆژهەڵات؟
پێچاوپێچ؟
وەی خانێ ئاخ
وەی خانێ وەی خانێ وەی خانێ
واوەیلا وەیڕۆ
وەی خانێ ئاخ
وەی خانێ ئاخ
پێم بڵێن چۆن بڕۆم؟
لەگەڵ کێ ئاخ؟
بە قسەی کام خۆڵ
و کام لم
و کام سەحرای عەدەم
و بە قسەی کام ڕەنگی پەلکەگیا
و کام پووش و پەڵاشی ڕۆمادی و کەربەلا
و بە قسەی کام لاڕێی ڕەشەبا
و کام داڵی نوگرەکەی سەلمان
و کام حوجری ئاخ
کام و کام جرجی خوار بەغدا بکەم
و کام گومان بکەمە ڕێبەری سۆراخی سەفەرم
پێم بڵێن، پێم بڵێن، پێم بڵێن
وەی خانێ وەی خانێ وەی خانێ
وەیڕۆ واوەیلا
وەی خانێ ئاخ