دەی ماڵێ بابم نەسرین دانیشە تێڕ تێر بگرین
ماڵوێران کوڕیان بمرێ بێهوودە لێکیان کردین
ئەی شەوێ تاکوو بەیانی باسکم بۆ بکات بە سەرین
دەردت لە ماڵی دنیام کەڵەگەت و خوێنشیرین
چەندەی لێ پاڕامەوە ئاوڕێ لێ نەدامەوە
ئەو ئاوڕەی لێی دامەوە کەوتم هەڵنەستامەوە
نەخۆش و دەردەدارم لێوئاڵ بێ بە لامەوە
لە دووری باڵای لێوئاڵ بێ دوکتۆر دەتلامەوە
لەبەر ئەو ژنە ڕەشتاڵە قەدی دەڵێی شمشاڵە
من سەر کەمە سەر ڕانی پێم دادە بەو دەسماڵە
گەر گولە پرسی کێیە ڕامژێنە بڵێ منداڵە
گەر بوو یەکجار چەقەی کرد بمشێلە بڵێ بێحاڵە
بۆم بڵێ تۆزە تۆزە هەوریت لە ملان ئاڵۆزە
لەبەر بەدکار ناوێرم لێی کەم جەژنە پیرۆزە
وەرە ئاوێزانت بم جەحەندەم دەشکێت گۆزە
دە وەرە دە وەرە با جووت بین بەم گەرما و تەپ و تۆزە