وەی لەو جووتە خوشکە چەندە نازدارن
نموونەی جوانی و دیاری بەهارن
بە چاویان دیارە عاشق و دڵدارن
یەکیان بۆنخۆش وەکوو گوڵەباخ
یەکیان وەک ئاسکە لەسەر شاخ
جەرگ و هەناوی منیان کردووە داخ
وەی لەو جووتە خوشکە چەندە نازدارن
نموونەی جوانی و دیاری بەهارن
بە چاویان دیارە عاشق و دڵدارن
کە دیانبینم بۆی ڕادەوەستم
بە چاوی بازیان سەرخۆش و مەستم
بە دەست خۆم نییە بردوویانە هەستم
ئەی لەو جووتە خوشکە چەندە نازدارن
نموونەی جوانی و دیاری بەهارن
بە چاویان دیارە عاشق و دڵدارن
باسیان بکەم بە گیان و بە دڵ
نەک ئەم هۆنراوە ببەمە ژێر گڵ
بۆیان بخوێنم وەک تەیری سەر چڵ
وەی لەو جووتە خوشکە چەندە نازدارن
نموونەی جوانی و دیاری بەهارن
بە چاویان دیارە عاشق و دڵدارن