ئاخ بۆ دڵی خۆش ئازاری نەبێ
خەمی بێمەیلی نازاری نەبێ
دڵەی نازارو لە چی ڕەنجاوە
گەرمەمەیلەکەی پارو نەماوە
هەتا مەیلت بوو بە مەیلت ژیام
ئێستە بێمەیلی خۆیشم دڵنیام
کێ عاشقی باڵای نەمامت بووە
وا دڵەکەی منت لەبیرەو چووە
نە تۆ خەیرو کرد نە خۆم خەیراتێ
بۆیە کەوتینە هەر یەک وڵاتێ
من لە هەردەوە تۆ لە شاخەوە
من بە هەردەوە تۆ بە شاخەوە
من بە ئێشەوە تۆش بە داخەوە
ئاخ بۆ دڵی خۆش ئازاری نەبێ
خەمی بێمەیلی نازداری نەبێ
فدای مەیلت بم یە مەیلت نییەن
فدای مەیلو بم یە مەیلو نییەن
ئەڵبەت بەدکاران مانعت بییەن
باڵات لە شێوەی عەسای دەروێشان
قوربان خوا گیان بم نەخشەی تۆی کێشان
کەمشەرتی مەکە و کەمشەرت باش نییە
کەمشەرت لەم دونیا سەرفەراز نییە
بڕۆ دێوانە بێ عەهد و بێ پۆ
تۆ بۆ ناکەسان ناکەسان بۆ تۆ
سوێندێکت بۆم خوارد بە مەرگی کاکم
بمێنم هین تۆم مردم هی خاکم
عەکسێکۆ بە پێم بۆ کاتی مەرگم
کە هەڵیان گرت و بۆ گۆڕیان بردم
لەو دونیا پرسن تۆ کەست کێیە
ئەڵێم بێکەسم ئەو عەکسەم پێیە
ئاخ بۆ دڵی خۆش ئازاری نەبێ
خەمی بێمەیلی نازاری نەبێ
بازت لە هەوار تۆڕت لە چەم بێ
دڵدار باشت بێ دڵەکەت بێخەم بێ
ئەو سەرتە بێرە بیخە سەر باڵم
گەر دەردی دڵە من پێ نازانم
قەزای ئێش سەروو کەوێ لە گیانم
ئاخ بۆ دڵی خۆش ئازاری نەبێ
خەمی بێمەیلی نازاری نەبێ
دڵەی نازارو لە چی ڕەنجاوە
گەرمەمەیلەکەی ئەوسات نەماوە
بۆچی من چیم کرد بۆ واو لێ کردم
لە خۆشی دونیا بێبەشت کردم
ئەوە بە من چی سەیری زەماوەن
توخوا بە من چی سەیری زەماوەن
یە دڵەکەی منە و درا لە پاوەن
توخوا بە من چی خۆشی خەڵکی شار
یاران بە من چی خۆشی خەڵکی شار
بە دەس دڵ خۆمەو بوووم گرفتار
هەرچی خۆم کێشام دڵ هێنایە ڕێم
ئایسەیش نازانم من مایل بە کێم
ئیسەیش نازانم من مایل بە کێم
ئاخ بۆ دڵی خۆش ئازاری نەبێ
خەمی بێمەیلی نازاری نەبێ