عارەق ئەڵێی شەونمە بە گوڵی گۆناتەوە
با دیدەی فرمێسکاویم سەرکوڵمت بشواتەوە
مەگەر هەناسەی ساردم فێنکت بکاتەوە
بە جوانیت هیچ نازدارێ وەک تۆ نازی لێ نایە
وەرە و بە ناز بمکوژە بۆ چیمە ئەم دنیایە
ئەزانم کە زاڵمی بەزەییت پیامە نایە
ئێواران کوڵمی ئاڵت شەڕی زەردەپەڕ ئەکا
شەوان لەگەڵ ئەستێرە چاوەکانت شەڕ ئەکا
لەم شەڕانە عاشقی وەکوو من زەرەر ئەکا
بۆ عەشق و ئەوینی تۆ شێعر و گۆرانی ئەڵێم
دڵم بە ئامانەت بێ لە سینەتا دایئەنێم
عارەق ئەڵێی شەونمە بە گوڵی گۆناتەوە
با دیدەی فرمێسکاویم سەرکوڵمت بشواتەوە
مەگەر هەناسەی ساردم فێنکت بکاتەوە