ئارەزوومەندیم ئازیز جە حەد ویەردەن گیانە
تاسەی تۆم کەردەن دیدەم ئاما جە دووری
ئامان هەی ئازیز ئامان ئامان بینایی چاوان
گلەم هەن جە تۆ باوان توخوا نەتۆری
قیبلەم بەو ئەحەد بێ هەمتای فەردەن
سەوگەند یەکێوەن چەنی تۆم وەردەن
نامت چون ئەوراد سوبح و ئێواران
مەوانووش وە گەرم نە پای دیواران
ئارەزوومەندیم ئازیز جە حەد ویەردەن گیانە
تاسەی تۆم کەردەن دیدەم ئاما جە دووری
ئامان هەی ئازیز ئامان ئامان بینایی چاوان
گلەم هەن جە تۆ باوان توخوا نەتۆری
یانێ چێش مەیلت فەرامۆش کەردەن
مەر بادەت نە جام بێشەرتی وەردەن
وەرنە یانێ چێش نە جاران جارێ
خەبەر نەپەرسی جە ڕاویارێ
ئومیدم ئێدەن ئامانەن ئامان
جەی فێشتەر ناسۆر نەوزی وە* زامان
ئیسە کێ تاقەت دووری تۆ دارۆ
دەک بەرقی غەزەب وە جەسەم وارۆ
ئارەزوومەندیم ئازیز جە حەد ویەردەن گیانە
تاسەی تۆم کەردەن دیدەم ئامان جە دووری
ئامان هەی ئازیز ئامان ئامان بینایی چاوان
گلەم هەن جە تۆ باوان توخوا نەتۆری