تۆ چاوت نەیشێ عالی بە کەیفە
چاوی من بێشێ گیان کەس ناڵێ حەیفە
چاوی من بێشێ کەس ناڵێ حەیفە
کاڵی بۆ خاتر عەوداڵانی کۆ
هەرگیز نەیبینم گیان داخی دییەی تۆ
هەرگیز نەیبینم داخی دییەی تۆ
خودانەکەردە بەد بە گیانت بێ
هەر بەد بە نەسیب گیان دوژمنانت بێ
هەر دەردێ بۆ تۆ دێتە خوارەوە
ئەیکێشم بە گیان بە سەربارەوە
من چاوم بۆ چییە ئەسرین بڕژێنێ
چاوی تۆ خۆش بێ گیان دنیا بنوێنێ
چاوی تۆ خۆش بێ دنیا بتبینێ
چاوی تۆ قیبلەی عیشق و دڵداری
چاوی من چاوی گریان و زاری
چاوی من چاوی گیان گریان و زاری