وە دەنگێ ناقوسێ کلیسا قەسەم
وە سەلیبێ پاک وە عیسا قەسەم
وە لیم زوڵم کردی دونیای جەفاکار
دووسەگەم بردی بیمە عەزادار
سەی کە وارانێ ئەشکەیلێ شوورم
چۊ قرچە خەیدە جەرگێ ڕەنجوورم
فەڵەک لە بارگای تۆنیش دڵگیرم
بەختم شیوانی چ بی تەخسیرم
وەختی عەجەڵ هات و دونیا و دینم برد
ئاسمانیش لە بەختم گیرەی گرد
دار و نەدارم لە دەسم دەر کرد
هەناسەم سەرد و دڵم ماتەم گرد
کافر لە حاڵم کردە موسەڵمان
شین و زارییێم وە عاڵەم ڕسان
دی دەنگێ ناقوس نییەکەی ئارامم
جور عەزیزمردی هەر پەریشانم
دووسێ دڵسووز و بی قەل و قەشم
ئۊشم لە لای خوەد خاک بکەن لەشم