فەڵەک باخەوان یەی باخی داشتم
عشق و ئومید و گوڵ وە تی کاشتم
ئافاتێ دنیا باخم کرد وێران
بی تووشە و بی بەرگ من بیم سەرگەردان
هەناسەسەردیگ هەر وەک پاییزن
بەرباددەهەندەی عۆمرێ ئازیزن
مردی مەمروو شینش یەک دەمەن
دڵ وە حەق بریان فرە ستەمەن
بیداری شەوان کاری پێم کەردەن
وە لام یەکسانەن حەیات یا مەردەن
ئەرێ هەی داد هەی بیداد وەی وەی نەمەنیە هووشم
ئەرێ وەختە وەک عەبداڵ وەی وەی خرقە بپوشم
ئەرێ شەرت بوو یەکبارە وەلا تەرکێ دونیا کەم
وەلا کەشکوڵ هەڵگرم وەی وەی مەولا مەولا کەم
ئەرێ دونیاداران وەلا ئەی دونیادوسان
وەلا دونیا دەمیگە وەی وەی جور شاروو بوسان