کرماشانیگم باوانم وە دڵ گریامە
وە زوڵف لەیلی نازارم زەنجیر کریامە
وە زوڵف لەیلی باوانم زەنجیر کریامە
فدای ئەو غەمزەی چاوەگەم هیچکەس نەکەردەت
گیانم وە فدای گیان دیدەمەس وە ناز پەروەردەت
گیانم وە فدای گیان باوانم وە ناز پەروەردەت
هەمسەر و هەمجییەگەی شووڕەژن شان مەدەی بە شانم
جا تەدارک بگرین باوانم هەر ئیمشەو میوانم
مەر خوسرەو نەیاشت نازارەیل مەتای ڕەنگواڕەنگ
مەر خوسرەو نەیاشت باوانم مەتای ڕەنگواڕەنگ
شیرین پەی فەرهاد دڵداران سەر مەیا وە سەنگ
مەجنوون تفڵیگ بی ئازیزم لە مەکتەوخانە
مەجنوون تفڵیگ بی باوانم لە مەکتەوخانە
پەی عشق شیرین ئازیزم شیت بی دیوانە
پەی عشق شیرین باوانم شیت بی دیوانە
هەمسەر و هەمجییەگەی شووڕەژن شان مەدەی بە شانم
جا تەدارک بگرین باوانم هەر ئیمشەو میوانم
ئمشەو چەن شەوە نازارەیل تاڵار بینازە
نە کزەی کەوە و ئازیزم نە دەنگی بازە
کەنیەگەی لیو چەم باوانم ڕیخ دانە دانە
یارم نیشتییە و ئازیزم زوڵف مەکەی شانە
یارم نیشتییە و باوانم زوڵف مەکەی شانە
هەمسەر و هەمجییەگەی شووڕەژن شان مەدەی بە شانم
جا تەدارک بگرین باوانم هەر ئیمشەو میوانم
هەرگز نەوەسای نازەنین سەروین وەی خاسی
هەرگز نەوەسای چاوەگەم سەروین وەی خاسی
ترسم شۊ بکەی باوانم دی من نەشناسی
زوڵفە هۊلەگەد چاوەگەم شانە و شان مەکە
زوڵفە هۊلەگەد باوانم شانە و شان مەکە
بیچارەی جۊر من باوانم گرفتار مەکە
هەمسەر و هەمجییەگەی شووڕەژن شان مەدەی بە شانم
جا تەدارک بگرین باوانم هەر ئیمشەو میوانم