تا دوور لە یاری چاوجوانم
دڵخوێن و دیدە گریانم
وەکوو بوڵبوڵ لە دووری گوڵ
بە سۆزی سینە ناڵانم
هەر تۆی مایەی ژینم
حەقیقەت یاری نازەنین
یاری غەمخواری نازەنین
لە هیجرانت دڵسووتاوم
وەرە دڵداری نازەنین
یاری شیرینم
تا دوور لە یاری چاوجوانم
دڵخوێن و دیدە گریانم
وەکوو بوڵبوڵ لە دووری گوڵ
بە سۆزی سینە ناڵانم
هەر تۆی مایەی ژینم
بێوەفای تۆ ئارامی دڵان
حەرام بێت لێم سەیری گوڵان
چون بە وەسڵی تۆوە شادم
هەر دەناڵێم وەک بولبولان
ئەی یاری شیرینم