بێوەفا نیم
ئێستاش وەکوو جاران دەڵێم بێوەفا نیم
وەفا گوڵە و جەفا خارە
وەفا مەلە و جەفا مارە
بێوەفا نیم
ئێستاش وەکوو جاران دەڵێم بێوەفا نیم
بە بەرزایی هەزاران ئاسمانی پڕ لە ئەختەر
بە قووڵایی هەزاران دەریای نەهەنگپەروەر
خۆشم دەوێی نیشتیمانی ئازیز
خۆشم دەوێی دەتگرمەوە ئامێز
وەفاداران وەفاداران وەفاداران کوان
یاری جاران یاری جاران یاری جاران کوان
عاشقانی نێو تەلان و سەخرەساران کوان
دڵپەرەستی گوڵپەرەستی سەوزەزاران کوان
وەفاداران یاری جاران یادگاری زوو
لە دووریی ئێوە هەواڵان ئاورم تێ بەر بوو
عاشقانی نێو تەلان و سەخرەساران کوان
دڵپەرەستی گوڵپەرەستی سەوزەزاران کوان
ئەو دڵانەی کە هێلانەی عیشقی شیرین بوون
ئەو گوڵانەی کە هێلانەی عیشقی شیرین بوون
ئەو گوڵانەی کە پەیمانەی جەرگی خوێنین بوون
وەفاداران یاری جاران یادگاری زوو
لە دووریی ئێوە هەواڵان ئاورم تێ بەر بوو
ئەو دڵانەی کە هێلانەی عیشقی شیرین بوون
ئەو گوڵانەی کە پەیمانەی جەرگی خوێنین بوون
وەی لە ڕا و وەی لە داو و وەی لە چاوی من
شەونخوونی و بیرەوەری و ئاڵۆزاویی من
[وەفاداران یاری جاران یادگاری زوو
لە دووریی ئێوە هەواڵان ئاورم تێ بەر بوو]