لە ناو شەوەیلێ کیش و مات
دیدەم ئەڕای دیند درات
دۊیەتێ هوورەچڕێ وڵات
ئمشەو دی بایەد بایدنەو
ئەڕای شەوەیلێ سەر کەنی
وەختی وە دەنگ بەرز خەنی
بەورەو بەسە هەقد سەنی
ئمشەو دی بایەد بایدنەوە
م چۊ گەڵا تەنیا کەفم
ئەگەر دەنگێ تۆ نەشنەفم
هەر شەو وە تەنیا چۊ خەفم
ئمشەو دی بایەد بایدنەو
چینی فروشێ شارێ چین
ئەڵوەنەگەی ناو خانەقین
دی پا بارەو وە ئەسبێ قین
ئمشەو دی بایەد بایدنەو
لە ناو شەوەیلێ کیش و مات
دیدەم ئەڕای دیند درات
دۊیەتێ هوورەچڕێ وڵات
ئمشەو دی بایەد بایدنەو