چاوەیلد مەسە ئەبرووت پەیوەسە
خودا مەزانو خونیی چەن کەسە
ئەری های لەیلی تاڵان لە ماڵم
هەر وەک پەروانە سوزانی باڵم
مەر خۆسرۆ نەیاشت مەتای ڕەنگاڕەنگ
شیرین پەی فەرهاد سەر مەدا وە سەنگ
ئەری های لەیلی تاڵان لە ماڵم
هەر وەک پەروانە سوزانی باڵم
چاوەیلێ مەسد هاوردی بردی
تەرکێ دڵداری تۆ وە من کردی
ئەری های لەیلی تاڵان لە ماڵم
هەر وەک پەروانە سوزانی باڵم
لیود ڕەنگینە چو پەڕەی گوڵە
قسەکردند وینەی بولبولە
ئەری های لەیلی تاڵان لە ماڵم
هەر وەک پەروانە سوزانی باڵم