قەتارێک هاتووە گەوهەر بارێتی
خورشیدی خاوەر سەرقەتارێتی
سەر بە هەوای عیشق خەرامانەوە
دڵ بە غەم و دەرد بێ سامانەوە
سەرم شێواوی عیشقی دڵدارە
سا من بە سەودای چینم چ کارە
بەو تۆز و غوبار لێو بە گەردەوە
بە فرمێسکی ئاڵ ڕەنگی زەردەوە
بەو هەموو جلکی گەوهەربارەوە
بە شۆخ و شەنگ و لەنجە و لارەوە
گوڵ بە شاباشی مەردی میوان کەن
پێشکێشی باڵای لەعل و مەرجان کەن
وتی خورشید شای خاوەرزەوین
پێشکێشیی تۆ بێ هەموو موڵکی چین
تۆفیق بدەی پێم ڕەبەلعالەمین
نە فەغفوور ماون نە خاقانی چین