ئاواتی ئامە قەرەج
فاتمە، دوو چاوی مەستت، پڕ تەلیسمی جوانییە پڕ شەرابی خۆشەویستی و عارەقی یەزدانییە بەژن و باڵاکەت نموونەی هەیکەلی یۆنانییە لار و لەنجەت مۆسیقایە، بەستەیە، گۆرانییە بووکی ڕازاوەی خەیاڵم، نازەنین ست فاتمە تاقە پرشنگێکی چاوت ئەوپەڕی ئاواتمە گەرچی دڵداری لە خاکی ئێمەدا نازەنین، ئەفسانەیە هەر بە تەنها بۆ کوڕی خاوەن تەلار و عانەیە گیانەکەم ئەمما دڵی من لەو دڵە شێتانەیە بێ ئەوەی هیچ شک بەرێ کوژراوی ئەو چاوانەیە هەر بەتەنها خۆشەویستی شک ئەبەم، ست فاتمە سەروەتم ناوێ، بزەی تۆ، ئەوپەڕی ئاواتمە زۆر کەڕەت هانم ئەدا نازەنین داخی دەروونی پڕ گڕم بۆتی هەڵڕێژم سکاڵای ناسکی گەرم و گوڕم داخەکەم کاتێ کە دێمە بەردەمت نازەنین، واقی وڕم وام ئەشێوێنی بە جارێ نایەڵی نازەنین هیچ دەربڕم بووکی ڕازاوەی خەیاڵم، گیانەکەم ست فاتمە گوێیەک بۆ ئەم ڕازە شل کە، ئەوپەڕی ئاواتمە
Fatme, dû çawî mestit, pir telîsmî cwanîye Pir şerabî xoşewîstî û areqî yezdanîye Bejin û balaket nimûney heykelî yonanîye Lar û lencet mosîqaye, besteye, goranîye Bûkî razawey xeyalim, nazenîn sit fatme Taqe pirşingêkî çawit ewperî awatme Gerçî dildarî le xakî êmeda nazenîn, efsaneye Her be tenha bo kurî xawen telar û aneye Gyanekem emma dilî min lew dile şêtaneye Bê ewey hîç şik berê kujrawî ew çawaneye Her betenha xoşewîstî şik ebem, sit fatme Serwetim nawê, bizey to, ewperî awatme Zor keret hanim eda nazenîn daxî derûnî pir girim Botî helrêjim sikalay naskî germ û gurim Daxekem katê ke dême berdemit nazenîn, waqî wirim Wam eşêwênî be carê nayelî nazenîn hîç derbirim Bûkî razawey xeyalim, gyanekem sit fatme Gwêyek bo em raze şil ke, ewperî awatme