نوێنەر
دایە مەگری کوڕت بوو بە ئەستێرە تاریکی شەوی لادا لەم دەورووبەرە ئەو بوو بە قەڵغان بۆ ئەم دەشت و دەرە ناوی پیرۆزە و لەناو دڵاندا سەروەرە شەهید یانی شێعری خوێنین لەلای چیا شەهید یانی تیشکی ڕووناکی بێ ڕیا شەهید یانی مانیفستی ئازادی شەهید یانی دەنگی حەق بێ ڕیا شەهید یانی شلێری گەشی بناری شاهۆ شەهید یانی فڕینی ڕۆح بەرەو ئاسۆ شەهید یانی سوێندی پیرۆزی ئازادی شەهید یانی ڕێبوارێکی ڕاست و بێ درۆ شەهید یانی پەپوولەی ئاگری عەشق شەهید یانی نیشتمان لە لاپەڕەی مەشق شەهید یانی تابڵۆیەک پڕ لە ڕەنگ و نەقش شەهید یانی ڕۆحێک کە ئازادی پێ بەخش شەو درێژە بەڵام ئاسۆ هەر دیارە نیشتمانم پڕ لە برین و ئازارە هەر بستە خاکێک بۆنی گەنجێکی لێ دێ لێرە ژیان تێکەڵ بە خەمی یارانە کۆڵانەکان باسی شکۆی تۆ دەگێڕنەوە دیوارەکان ناوی پاکت دەخوێننەوە هەموو شەوێک ئەستێرەکان دێنە خوارێ لەسەر مەزارت چرای ڕووناکی دادەگریسێننەوە دیوارەکان پڕن لە نووسین بەڵام بە بێدەنگی باسی ئەو شەوە ئەکەن کە شار بوو بە مەیدانی جەنگی هەموو پەنجەرەیەک ترسا جگە لە چاوی ئەو لاوە کە بە خەندە بەڕووی مەرگ چوو بێ ترس و بێ ڕەنگی ئاوێنەی مێژوو شکا و پارچەکانی پڕن لە وێنە وێنەی ئەو دەستەی قەڵەمی گرت و پڕ بوو لە کینە نا کینە نا عەشقی نیشتمان بوو بۆ ئەوەی پاش ئێمە نەمێنێ ئەم هەموو ناڵە و شینە ئاخ بۆ ئەو وڵاتەی مێژووی شیوەن و خەمە ئاخ بۆ ئەو ئاسمانەی پڕ لە غەمبار و تەمە ئاخ بۆ ئەو ڕێگەی پڕ لە ئێش و ستەمە ئاخ بۆ ئەو خۆشیەی کە لێرە هەمیشە کەمە ئاخ بۆ ئەو دایکەی وا چاوەڕێی ئەو دەمە ئاخ بۆ ئەو لاوەی وا شەهیدی سەردەمە ئاخ بۆ ئەو ماڵەی کە چرا تێیدا کوژایەوە ئاخ بۆ ئەو برینەی وا قووڵ و بێ مەرهەمە لێرە مەرگ کۆتایی نییە ڕێگایەکە بۆ هەتاو ناوی پیرۆزی شەهید لەسەر دڵمان هەڵکەندراو مێژوو بە خوێن دەنووسێ داستانێکی نەسڕاو ئێمە ڕیشەمان لە خاکە و هەرگیز نابین هەڵکەندراو سپەی لەم خوێنە گەشە ڕۆژێکی نوێ هەڵدێتەوە ئەو تیشکەی لێرە هەڵات هەرگیز نانەوێتەوە گەرچی زستان سەختە و با لە دەشتدا توندە بەڵام ئاڵای ئازادی لەم کێوە هەر دەشەکێتەوە
Daye megrî kurit bû be estêre Tarîkî şewî lada lem dewrûbere Ew bû be qelxan bo em deşt û dere Nawî pîroze û lenaw dilanda serwere Şehîd yanî şêrî xwênîn lelay çya Şehîd yanî tîşkî rûnakî bê rya Şehîd yanî manîfsitî azadî Şehîd yanî dengî heq bê rya Şehîd yanî şilêrî geşî binarî şaho Şehîd yanî firînî roh berew aso Şehîd yanî swêndî pîrozî azadî Şehîd yanî rêbwarêkî rast û bê diro Şehîd yanî pepûley agirî eşq Şehîd yanî nîştiman le laperey meşq Şehîd yanî tabloyek pir le reng û neqiş Şehîd yanî rohêk ke azadî pê bexiş Şew dirêje belam aso her dyare Nîştimanim pir le birîn û azare Her biste xakêk bonî gencêkî lê dê Lêre jyan têkel be xemî yarane Kolanekan basî şikoy to degêrnewe Dîwarekan nawî pakit dexwênnewe Hemû şewêk estêrekan dêne xwarê Leser mezarit çiray rûnakî dadegrîsênnewe Dîwarekan pirn le nûsîn belam be bêdengî Basî ew şewe eken ke şar bû be meydanî cengî Hemû pencereyek tirsa cige le çawî ew lawe ke be xende berûy merg çû bê tirs û bê rengî Awêney mêjû şika û parçekanî pirn le wêne Wêney ew destey qelemî girt û pir bû le kîne Na kîne na eşqî nîştiman bû Bo ewey paş ême nemênê em hemû nale û şîne Ax bo ew wilatey mêjûy şîwen û xeme Ax bo ew asmaney pir le xembar û teme Ax bo ew rêgey pir le êş û siteme Ax bo ew xoşyey ke lêre hemîşe keme Ax bo ew daykey wa çawerêy ew deme Ax bo ew lawey wa şehîdî serdeme Ax bo ew maley ke çira têyda kujayewe Ax bo ew birîney wa qûl û bê merheme Lêre merg kotayî nîye rêgayeke bo hetaw Nawî pîrozî şehîd leser dilman helkendiraw Mêjû be xwên denûsê dastanêkî nesraw Ême rîşeman le xake û hergîz nabîn helkendiraw Sipey lem xwêne geşe rojêkî nwê heldêtewe Ew tîşkey lêre helat hergîz nanewêtewe Gerçî zistan sexte û ba le deştida tunde Belam alay azadî lem kêwe her deşekêtewe