چیا مەدەنی
بیرتان ئەکەم بیری پیاسەی دەمەوعەسری کرماشان و خەوی ئارام و شیرینی شەوی سەر سەربانەکانی سنە تاسەی بینینی بۆکانم کە تەمەنێکە لێم ونە تینووی ورمێ و مەهابادم بستێ خاکی پاکم نییە کە بڵێم نییە لە یادم بیرتان ئەکەم کاتێ کە لە چاوما ئەگرین لە ناو دڵما ژیرتان ئەکەم من مناڵیم لە لای ئێوە جێهێشتووە لەو ڕۆژەوە لێتان دوورم مەگەر هەر دڵم بزانێ چەند برک و ژانم چێشتووە بیرتان ئەکەم بەڵام بەڵام هێشتا بێهومێد نیم من دڵنیام بەیانییەک لەگەڵ ئازادی دێمەوە دڵم ئەڵێ تا هەمووتان بە چاوی خۆم نەبینمەوە سەری کاسم نانێمەوە هەمیشە لە خەیاڵمدان هەمیشە لەبەرچاومدان هەمیشە لە ناخمدان هەمیشە لە خەومدان گوێم لە زڕەی زنجیری لاوەکانە چاوم لە بڵێسەی گەشی ئومێدی چاوەکانە تکا دەکەم ئومێدەکانی ناو دڵتان لە چاوتانا ڕەنگباتەوە هەمووتان ماچباران ئەکەم بیری گوند و شاران ئەکەم تاسەی دووریی یاران ئەکەم بیرتان ئەکەم گەر بێمەوە ڕێگە نادەم بە هیچ کەسێ ناوی گوند و شارەکانم بشێوێنێ مێژووی ڕاستیم دێنمەوە ڕێگە نادەم مناڵی کورد هەر بە تەنیا مێژووی بێگانە بخوێنێ من ئەزانم ئێستا لەوێ شارەکان یەکتر ناناسن کۆڵانەکان لە یەک ناگەن چون تابلۆکان کوردی نین شەقامەکان بە یەک ناگەن کە هاتمە زۆر بە وردی چی تابلۆی وڵاتەکەمە ئەیانکەمەوە بە کوردی
Bîrtan ekem Bîrî pyasey demew'esrî kirmaşan û Xewî aram û şîrînî şewî ser serbanekanî sine Tasey bînînî bokanim ke temenêke lêm wine Tînûy wirmê û mehabadim Bistê xakî pakim nîye Ke bilêm nîye le yadim Bîrtan ekem Katê ke le çawma egrîn Le naw dilma jîrtan ekem Min minalîm le lay êwe cêhêştuwe Lew rojewe lêtan dûrim Meger her dilim bizanê çend birk û janim çêştuwe Bîrtan ekem Belam Belam hêşta bêhumêd nîm Min dilnyam beyanîyek legel azadî dêmewe Dilim elê ta hemûtan be çawî xom nebînmewe Serî kasim nanêmewe Hemîşe le xeyalimdan Hemîşe leberçawimdan Hemîşe le naxmidan Hemîşe le xewmdan Gwêm le zirey zincîrî lawekane Çawim le bilêsey geşî umêdî çawekane Tika dekem umêdekanî naw diltan Le çawtana rengibatewe Hemûtan maçbaran ekem Bîrî gund û şaran ekem Tasey dûrîy yaran ekem Bîrtan ekem Ger bêmewe rêge nadem be hîç kesê nawî gund û şarekanim bişêwênê Mêjûy rastîm dênmewe Rêge nadem minalî kurd her be tenya mêjûy bêgane bixiwênê Min ezanim êsta lewê şarekan yektir nanasin Kolanekan le yek nagen Çun tablokan kurdî nîn Şeqamekan be yek nagen Ke hatme zor be wirdî Çî tabloy wilatekeme eyankemewe be kurdî