ناسر ڕەزازی
ئاخ بیرتان ئەکەم بیرتان ئەکەم بیری پیاسەی ئێوارانی ئیلام و کرماشان و خەوی ئارام و شیرینی شەوی سەربانەکانی سنە بیرتان ئەکەم ئاخ بیرتان ئەکەم تاسەی بینینی بۆکانم کە تەمەنێکە لێم ونە تینووی ورمێ و مەهابادم بستێ خاکی پاکم نییە کە بڵێم نییە لە یادم بیرتان ئەکەم من منداڵیم لە لای ئێوە جێهێشتووە لەو ڕۆژەوەی لێتان دوورم مەگەر هەر دڵم بزانێ چەند برک و ژانم چێشتووە بەڵام بەڵام هێشتا بێهیوا نیم من دڵنیام بەیانییەک لەگەڵ ئازادی ئاخ ئازادی دێمەوە دڵم ئەڵێ تا هەمووتان نەبینمەوە سەری کاسم نانێمەوە ئاخ بیرتان ئەکەم بیرتان ئەکەم هەمیشە لە خەیاڵمدان هەمیشە لەبەرچاومدان ڕێگە نادەم مناڵی کورد مێژووی بێگانە بخوێنێ من ئەزانم ئێستا لەوێ شارەکان یەکتر ناناسنەوە کۆڵانەکان لە یەک ناگەن چونکە تابلۆکان کوردی نین شەقامەکان بە یەک ناگەن کە هاتمە زۆر بە وردی چی تابلۆی وڵاتەکەمە ئەیانکەمەوە بە کوردی بیرتان ئەکەم کە جێم هێشتن ڕۆحی خۆمم کرد بە گۆرانی تا شەوانە ڕاتانژەنێ سروودم ڕاسپاردووە بە دوژمنانتان پێ بکەنێ تکاکارم تکاکارم ئومێدەکانی ناو دڵتان لەبەرچاوتان ڕەنگ باتەوە ئاخ وەکوو شاری سلێمانی بۆ زەماوەندی ڕاپەڕین نەعرەتان لە کێوەکان دەنگ باتەوە من دڵنیام من دڵنیام بەیانییەک لەگەڵ ئازادی دێمەوە تینی گڕەکەی ئاشۆ زەردەشت لە گیانمایە و ناکوژێمەوە ناکوژێمەوە بیرتان ئەکەم هەمووتان ماچباران دەکەم بیری گوند و شاران دەکەم تاسەی دووریی یاران دەکەم ماوەیەکە کە سەیری ئاوێنە ئەکەم لێڵی ئەبینم لێڵی ئەبینم وێنەکەم بەڵام بەڵام هەر دڵنیام چاوم هێندە تینی تیا ئەمێنێ بۆ ئەو کاتەی کە دێمەوە هیچ دیمەنێکی خاکەکەم لە ڕوانینم جێ نەمێنێ کە هاتمەوە ئەبم بە مامۆستای کوردی لە گشت کوردستانە جوانەکەم ئەمجارەیان ئەوەیکە لە خەیاڵمایە وای چێ ئەکەم هێلانەکەم گەر بێمەوە ڕێگە نادەم بە هیچ کەسێ ناوی گوند و شارەکانم بشێوێنێ مێژووی ڕاستیم دەهێنمەوە کە هاتمەوە ئەبم بە مامۆستای کوردی لە کرماشانە جوانەکەم مێژووی ڕاستیم دەهێنمەوە بیرتان ئەکەم
Ax bîrtan ekem Bîrtan ekem Bîrî pyasey êwaranî îlam û kirmaşan û Xewî aram û şîrînî şewî serbanekanî sine Bîrtan ekem Ax bîrtan ekem Tasey bînînî bokanim ke temenêke lêm wine Tînûy wirmê û mehabadim Bistê xakî pakim nîye Ke bilêm nîye le yadim Bîrtan ekem Min mindalîm le lay êwe cêhêştuwe Lew rojewey lêtan dûrim Meger her dilim bizanê çend birk û janim çêştuwe Belam Belam hêşta bêhîwa nîm Min dilnyam beyanîyek legel azadî Ax azadî dêmewe Dilim elê ta hemûtan nebînmewe Serî kasim nanêmewe Ax bîrtan ekem Bîrtan ekem Hemîşe le xeyalimdan Hemîşe leberçawimdan Rêge nadem minalî kurd mêjûy bêgane bixiwênê Min ezanim êsta lewê şarekan yektir nanasnewe Kolanekan le yek nagen Çunke tablokan kurdî nîn Şeqamekan be yek nagen Ke hatme zor be wirdî Çî tabloy wilatekeme eyankemewe be kurdî Bîrtan ekem Ke cêm hêştin rohî xomim kird be goranî ta şewane ratanjenê Sirûdim rasparduwe be dujminantan pê bikenê Tikakarim Tikakarim umêdekanî naw diltan leberçawtan reng batewe Ax wekû şarî silêmanî bo zemawendî raperîn Ne'retan le kêwekan deng batewe Min dilnyam Min dilnyam beyanîyek legel azadî dêmewe Tînî girekey aşo zerdeşt le gyanmaye û nakujêmewe Nakujêmewe Bîrtan ekem Hemûtan maçbaran dekem Bîrî gund û şaran dekem Tasey dûrîy yaran dekem Maweyeke ke seyrî awêne ekem Lêlî ebînim Lêlî ebînim wênekem Belam Belam her dilnyam Çawim hênde tînî tya emênê Bo ew katey ke dêmewe Hîç dîmenêkî xakekem Le rwanînim cê nemênê Ke hatmewe ebim be mamostay kurdî Le gişt kurdistane cwanekem Emcareyan eweyke le xeyalmaye Way çê ekem hêlanekem Ger bêmewe rêge nadem be hîç kesê nawî gund û şarekanim bişêwênê Mêjûy rastîm dehênmewe Ke hatmewe ebim be mamostay kurdî Le kirmaşane cwanekem Mêjûy rastîm dehênmewe Bîrtan ekem