دڵم تەنگە وەکوو غونچەی دەمی تۆ

دڵم تەنگە وەکوو غونچەی دەمی تۆ
سەرم گێژە لە گێژی پەرچەمی تۆ
سەر و ماڵ و ژیانم دا بە ماچێ
وتت پێک نایە زۆری من کەمی تۆ

هوروژمیان کردە دڵ تیپی مژۆڵت
بە خوێن پاڕاو کرا جێژوانی چۆڵت
دەسی دڵ بگرە خوێن ڕێژی هەتا کەی
بەزەییەکت بێ بە دڵداری کڵۆڵت
دڵم تەنگە وەکوو غونچەی دەمی تۆ
سەرم گێژە لە گێژی پەرچەمی تۆ
سەر و ماڵ و ژیانم دا بە ماچێ
وتت پێک نایە زۆری من کەمی تۆ

لە چەشنی ئاگرن کوڵمی گەشی تۆ
لە مار حاستەمترن پرچی ڕەشی تۆ
بڵێم وەک چی دەچی هەر گوڵ دەزانم
لە گوڵ ناسکترە ناسک لەشی تۆ