یەدێ شاکری
چەندی ماوە؟ تا پەڵەی ئەم ڕۆحە دیلە قاقڕەم چەن وەرز هەوری چەن پاییزی خوێناوی؟ ئەم کەویرە تاکوو ئاسمان هێندە دوورە دەستی باران ناگەیێتە ناخی خنکاوی ئەم گوڵە نیلووپەڕەی ژاکاوی دەستی لم تا کەمەرچینی ئەسیری زبڵ و زاڵی پیسی زەلکاوە هەوڵ ئەدا خۆی هەڵکشێت و لەم سنوورە تەمتومانە تێپەڕێ تا ئەوپەڕێ گەردوون دەست و باڵی هەڵبڕیوە ڕوو بە تیشکی ڕۆژ ڕیشە تا ناخی قوڕ و لیتە چەن هەزار ئاواتی سەوزی لەم سیائەستێرە خنکاوە ئاخ باران کەی دەبێتە لێزمەبارانێ چی کەلاکی بۆگەنیوی خاکپەروەرە لەم زەوینە ڕۆحکوژەی بەدناوە ڕاماڵێ هەر دڕوو دەڕوێ خێڵی گوڵ کەوتوونە بەر شەللاخی باهۆز و هەرچی شیناوەردە ژاکاوە خاک لانەی مار و دووپشکە ئاسمانیش قۆرخی داڵە ئاخ باران کەی دەبێتە لێزمەبارانێ گیانی تازە خاتە بەر ئەم ژینە گنخاوە
Çendî mawe? Ta peley em rohe dîle qaqrem Çen werz hewrî çen payîzî xwênawî? Em kewîre takû asman hênde dûre Destî baran nageyête naxî xinkawî Em gule nîlûperey jakawî destî lim Ta kemerçînî esîrî zibil û zalî pîsî zelkawe Hewl eda xoy helkişêt û lem sinûre temtumane têperê ta ewperê gerdûn Dest û balî helbirîwe rû be tîşkî roj rîşe ta naxî qur û lîte Çen hezar awatî sewzî lem sya'estêre xinkawe Ax baran Key debête lêzmebaranê Çî kelakî bogenîwî xakperwere Lem zewîne rohkujey bednawe ramalê Her dirû derwê Xêlî gul kewtûne ber şellaxî bahoz û Herçî şînawerde jakawe Xak laney mar û dûpşike asmanîş qorxî dale Ax baran Key debête lêzmebaranê Gyanî taze xate ber em jîne ginxawe