سوخمەی کۆنی

دەردم زۆرە و جا دەکەم زاری
وەی دەکەم زار و هەیڕۆ بێ قەراری
تێبگەم تۆ لە من بۆچ بێزاری
تۆ وەنەوشەی هەنگ ئەوەڵ بەهاری
خۆم بە قوربان سوخمەی کۆنی
وەک مێخەکبەند دەڕوا بۆنی
جا هاتووم بزانم چلۆنی
هەر وێنەی شەمامە بە بۆنی
قەسەم دەخۆم بە پەرچەمی
تا دەم نەنێمە ناو دەمی
شەریک نابم لەگەڵ خەمی
تۆ وەنەوشەی هەنگ ئەوەڵ بەهاری
دەردم زۆرە و جا دەکەم زاری
وەی دەکەم زار و هەیڕۆ بێ قەراری
تێبگەم تۆ لە من بۆچ بێزاری
تۆ وەنەوشەی هەنگ ئەوەڵ بەهاری
سینەت باغ و باغچەی ئیرەم
سەیرانگاهی وەڵا ڕۆم و عەجەم
ناڕۆم هەتا ماچت نەکەم
تۆ وەنەوشەی هەنگ ئەوەڵ بەهاری
خۆم بە قوربان ئەو چاوانە
چاوی تۆ دەرد و دەرمانە
جا کوشتوومت هەر خۆت بیزانە
دەرمانم کە وەیڕۆ بەو پەنجانە