حەسەن دەرزی
ناڕژێ ئەسرینی من هێندە ئەگەر دڵ داکەوێ ماڵی دڵ وێران بێ ماڵوێرانی کردم ناسرەوێ هێندە بێزارم دەڵێم دڵ هەر لە سینە بێنمە دەر تا بزانی* من نەبێ ئەو ئاگرە کەس نایەوێ گەر پەرەنگی گوارەکەت ئاوا نەلەرزێ لەو سەرە دەرفەتێ بۆ ماچ و کوڵمە گەزتنێ دەست ناکەوێ بسکەکانی تۆ گوڵم! لاجانگی تۆیان گرتووە بەو هەناسە ساردە خۆ من ئەو تەمەم پێ ناڕەوێ دوور لە خەڵکی دەس لە ئەستۆی یەک دەکەین ئەمن و خەیاڵ کەس ئیتر بەو ڕازە نازانێ کە من لەو چیم دەوێ گەر بەڵێنیم لێی بوێ دووبارە بۆ ژوانێکی تر پێم دەڵێ شەوگار درێژە و کوێ بڵێی دێمە وێ تۆ پەژارەی چیتە هێدی دڵنیابە چارەنووس چاوەڕێتە و ڕۆژێ هەر دێ ئەو دڵەی تۆ* سەرکەوێ من لە سایەی زولفی تۆوە ڕۆژی ڕووناکم نییە شیوەنم جا تازە کەلکی چی هەیە و نیوەشەوێ
Narjê esrînî min hênde eger dil dakewê Malî dil wêran bê malwêranî kirdim nasrewê Hênde bêzarim delêm dil her le sîne bênme der Ta bizanî* min nebê ew agire kes nayewê Ger perengî gwareket awa nelerzê lew sere Derfetê bo maç û kulme geztinê dest nakewê Biskekanî to gulim! lacangî toyan girtuwe Bew henase sarde xo min ew temem pê narewê Dûr le xelkî des le estoy yek dekeyn emin û xeyal Kes îtir bew raze nazanê ke min lew çîm dewê Ger belênîm lêy bwê dûbare bo jwanêkî tir Pêm delê şewgar dirêje û kwê bilêy dême wê To pejarey çîte hêdî dilnyabe çarenûs Çawerête û rojê her dê ew diley to* serkewê Min le sayey zulfî towe rojî rûnakim nîye Şîwenim ca taze kelkî çî heye û nîweşewê