سەباح هەورامی
ژەرەژەو پاڵو نیساری ئێساڵ وانۆ پێسە پاری یا بوڵبوڵو گوڵستانی بە چەهچەهەو شەوبێداری سەحەر وانۆ جە باغی گوڵ داخەو دووریش نەبۆ نە دڵ یا قاسپە قاسپوو ژەرەژا بۆ تێکەڵوو چۆڵی کەژا یا نەچیر و نەچیرەوان ڕازۆ دڵی کەرا بەیان وانا کەرا دەسەملانی ئینەن وەشی هەورامانی یا بەرزەڵنگ و وەرکەمەر بۆوێ وەشا وزانێ وەر یا بۆژانەو گوڵەچنوور هەزبە کوێلی و هەراڵەسوور نەسیم مارۆ بۆ و بەرامشا شانۆ پاشۆ سەرو کەشا با وەرواوی بەیا واری با قرمەقرم تاڤ تاڤانی یا داڵانی و تەخت و سانی پەی پەی چڕا عەوداڵانی هەرسەو شادیم وارا بە کوڵ ئانە ئاما وەهار بە دڵ هەرسەو شادیم وارا بە کوڵ ئانە ئاما نەورۆز بە دڵ
Jerejew palu nîsarî Êsal wano pêse parî Ya bulbulu gulistanî Be çehçehew şewbêdarî Seher wano ce baxî gul Daxew dûrîş nebo ne dil Ya qaspe qaspû jereja Bo têkelû çolî keja Ya neçîr û neçîrewan Razo dilî kera beyan Wana kera desemlanî Înen weşî hewramanî Ya berzeling û werkemer Bowê weşa wizanê wer Ya bojanew guleçnûr Hezbe kwêlî û heralesûr Nesîm maro bo û beramşa Şano paşo seru keşa Ba werwawî beya warî Ba qirmeqirim tav tavanî Ya dalanî û text û sanî Pey pey çira ewdalanî Hersew şadîm wara be kul Ane ama wehar be dil Hersew şadîm wara be kul Ane ama newroz be dil