عەفرین دەڕوانێ لە بانەی دڵگیر کاتی پسانی پێوەندی زنجیر قامیشلۆ چاوی لە داڵاهۆیە دێرک هاوسۆزی شاری شنۆیە کۆبانی و شەهبا لەگەڵ ئاربابا پڕ لە هەڵمەتن وەکوو ڕەشەبا قەندیل و شەنگال، سنە و مەریوان گارە و حەفتانین، مەرەش، ئادیامان شاباد و ئیلام، کێوی بێستوون سێرت و دێرسم و مۆنزووری ڕەنگین کەرکووک و گۆیژە و گمۆ و بەرانان بەدرە و جەسان و تەختی هەورامان کاروون و دزفوول، سێواس، ئەرزنجان قارس و کوردانی شاری ئێریڤان ئورفە و عەنتاب و وان و ئاگری داخ کەلار و سەنگاو، بازیان، قەرەداخ بتلیس، ئەلعەزیز، مووش و حەکاری لەک و لوڕستان، کوردی بەختیاری ئێستا هەر هەموو یەک و دڵ و گیانن هەموو شەیدایە بۆ ئەم کوردستان کە ساڵەهایە لەژێر چەپۆکە بێ ئاڵا و سنوور بەبێ سەرۆکە هەڵبێ ڕۆژی کورد لەو ڕۆژهەڵاتە کە وا ترۆپکی هیوا و ئاواتە با شاد بێ قازی، وەحەسێ خەسرەو زەردەشت دڕ بدات بە تاریکیی شەو ئەکبەتان دیسان ببێتە ناوەند گۆڤەند بگێڕین چەشنی زەماوەند
Efrîn derwanê le baney dilgîr Katî pisanî pêwendî zincîr Qamîşlo çawî le dalahoye Dêrk hawsozî şarî şinoye Kobanî û şehba legel arbaba Pir le helmetin wekû reşeba Qendîl û şengal, sine û merîwan Gare û heftanîn, mereş, adyaman Şabad û îlam, kêwî bêstûn Sêrit û dêrsim û monzûrî rengîn Kerkûk û goyje û gimo û beranan Bedre û cesan û textî hewraman Karûn û dizfûl, sêwas, erzincan Qars û kurdanî şarî êrîvan Urfe û entab û wan û agirî dax Kelar û sengaw, bazyan, qeredax Bitlîs, el'ezîz, mûş û hekarî Lek û luristan, kurdî bextyarî Êsta her hemû yek û dil û gyanin Hemû şeydaye bo em kurdistan Ke salehaye lejêr çepoke Bê ala û sinûr bebê seroke Helbê rojî kurd lew rojhelate Ke wa tiropkî hîwa û awate Ba şad bê qazî, wehesê xesrew Zerdeşt dir bidat be tarîkîy şew Ekbetan dîsan bibête nawend Govend bigêrîn çeşnî zemawend
ئەحمەد بەرزنجی