پێش هەزاران پشت ڕۆژانی زوو کاتێ هێشتا تازە نەوەی یەکەمی کورد لەدایک ئەبوو کاتێ تازە منداڵی بیر لەناو شاخا پێی گرتبوو پێش هەزار پشت ئەیگێرنەوە عومری مێژوو چیرۆکی پیرە داربەڕوو ئەهێننەوە لە داستانی دەماودەما لە زستانا لە ماڵانی کوردستانا بەم شێوەیە ئەیخوێننەوە ئەڵێن: ئەوسا زوو ئێجگار زوو نزیکی ئێستەی هەورامان دارێک هەبوو داری بەڕوو پێیان ئەوت 'داری ژیان' داری زیندوو ئەوەندە بڕوای بە خۆی بوو ئەوەندە هێزی تیا هەبوو بە گژ دەریای ساما ئەچوو بە گژ ڕەشەبادا ئەچوو هێندە گەڵا و لقی پڕ بوو سێبەری بۆ خۆر کردبوو ئەو سەردەمە داری بەڕوو لەژێرەوە ڕەگی قووڵی لەسەر پشتی گاو ماسییەکە داکوتی بوو لە پۆپەوە لقی بەرزی تا حەوت تەبەقە هەڵچوو بوو لەو کاتەدا داری بەڕوو بەوجۆرە بوو ئاخ ئاخ ئەی هاوار هاوار ژیان ڕاناوەستێ ئەڕوات بە چاو بە بیر بە گیان ئەڕوات ژین ناسرەوێ دوادەکەوێ پێش ئەکەوێ چنگ نانەیەک بە دەست بێ یان بە بیر بە چەک بەهێز ئەبێ لاوازە بخوات هەتا ئەمرۆ ئەم دنیایە هەر وا ئەڕوات دارەکەمان داری بەڕوو پاش یەک دوو پشت بنی ڕۆچوو پۆپەی بەرزی بۆ نزمی نیشت گەڵای وەری مەلی ژیان و ئاواتی لەسەر تەڕیی دوژمن لق و چڵی بڕی لەناو خۆشییا کرم تێی دا مێروولە کەوتە خواردنی و کونکردنی قەفی ئەستوور بەلادا هات کەوتە ڕزین بەلادا هات لەسەر لاشەی پڕ لە برین دوژمنان کەوتنە هەڵپەڕین داری بەڕووی مان و ژیان گەڵای وەری لقی نەوی قەفی گەورەی کونبوو ڕزی بەلادا هات کەوتە زەوی ئەی داد ئەی داد... بوو بە زستان ڕقی تەوری دەستی تاوان کەرت کەراتی کرد دایان گیرسان پێیان گەرم کرد دیوەخان لە دەوری گڕی ئاگردان هەی داد هەی داد... گڕی داری بەڕووی سووتاو ئەڵقەیان بەست داگیرکەران بوو بە ئاهەنگ تا ماندووبوون تا شەو درەنگ هەتا داری بەڕووی سووتاو گڕی سووری کوژایەوە داپشکۆی دامرکایەوە دنیا لە جووڵە ناکەوێ بیر ناسرەوێ بەڵام مێژوو هاوار ئەکات لەو کاتەوە داری بەڕوو بنی ڕۆچوو هەتا ئێستا هاوار ئەکات پێمان ئەڵێ: هەر بەهێزە لاواز ئەخوات ژین وا ئەڕوات بەڵام مەترسن مەشڵەژێن هەرچەندە کەم چاو ئەیبینێ ترووسکەیەک بەدی ئەکەم لە کۆنەوە هەتا ئێستا ناوی ئاواتی لێ ئەنێن بەدیی ئەکەم داری بەڕوو بنی ڕۆچوو قەدی ڕزی لقی فەوتا لەشی سووتا دووکەڵ لەناو سکی هەستا مەڵێن سەیرە بەڵام هێشتا بەڕوو ماوە مەڵێن سەیرە گیانی بەڕوو نەفەوتاوە ڕەگی قووڵی بنج و بێخی بەڕوو ماوە بەڕوو ماوە هیوا ماوە بەرەو ئاوی بن ئەبزوێ بەڵام ڕەگی تینوو ئەڵێ: من لە ئێوە خوێنم ئەوێ چرای بیری ڕوونم ئەوێ چاوم ئەوێ گیانم ئەوێ مێشکم ئەوێ دەستم ئەوێ هەستم ئەوێ کە داتانمێ ئەوسا بەرەو بەرزی بۆ سەر ڕێگا ئەبم جەرگی بەرد و ئاسن ئەبڕم سەر دێنمە دەر وەک جارانم جارانی زووم ئەڕوێمەوە دیسانەوە ئەژێمەوە هیوا لە باوەش ئەگرم سروودی هێز ئەڵێمەوە مەلی ژیان دێنەوە لام لەسەر پۆپەی چڵ و لقم ئەخوێننەوە زوو بێ و درەنگ مەل دێنەوە ئەوسا پۆل پۆل ئەکەونە ڕێ بۆ کام درەخت شوێنی دوورە وەک من جەرگی سەری سوورە داستانی داربەڕووی زیندووی هیوا گرتووی ئەم وڵاتە ئەگێڕنەوە زوو بێ و درەنگ من هەر ئەبێ بژێمەوە ئەژێمەوە ئەژێمەوە
Pêş hezaran pişt rojanî zû Katê hêşta taze newey yekemî kurd ledayk ebû Katê taze mindalî bîr lenaw şaxa pêy girtibû Pêş hezar pişt eygêrnewe umrî mêjû Çîrokî pîre darberû Ehênnewe Le dastanî demawdema Le zistana Le malanî kurdistana Bem şêweye eyxiwênnewe Elên: ewsa zû êcgar zû nizîkî êstey hewraman Darêk hebû darî berû Pêyan ewt 'darî jyan' Darî zîndû Ewende birway be xoy bû Ewende hêzî tya hebû Be gij deryay sama eçû Be gij reşebada eçû Hênde gela û liqî pir bû Sêberî bo xor kirdibû Ew serdeme darî berû Lejêrewe regî qûlî leser piştî gaw masîyeke dakutî bû Le popewe liqî berzî ta hewt tebeqe helçû bû Lew kateda darî berû bewcore bû Ax ax ey hawar hawar Jyan ranawestê erwat Be çaw be bîr be gyan erwat Jîn nasrewê dwadekewê Pêş ekewê Çing naneyek be dest bê yan be bîr be çek Behêz ebê lawaze bixiwat Heta emro em dinyaye her wa erwat Darekeman darî berû Paş yek dû pişt Binî roçû Popey berzî bo nizmî nîşt Gelay werî Melî jyan û awatî Leser terîy Dujmin liq û çilî birî Lenaw xoşîya Kirim têy da Mêrûle kewte xwardinî û kunkirdinî Qefî estûr belada hat kewte rizîn Belada hat Leser laşey pir le birîn Dujminan kewtine helperîn Darî berûy man û jyan Gelay werî Liqî newî Qefî gewrey Kunbû rizî Belada hat kewte zewî Ey dad ey dad... Bû be zistan Riqî tewrî destî tawan Kerit keratî kird dayan gîrsan Pêyan germ kird dîwexan Le dewrî girî agirdan Hey dad hey dad... Girî darî berûy sûtaw Elqeyan best dagîrkeran Bû be aheng Ta mandûbûn ta şew direng Heta darî berûy sûtaw girî sûrî kujayewe Dapşikoy damirkayewe Dinya le cûle nakewê Bîr nasrewê Belam mêjû hawar ekat Lew katewe darî berû Binî roçû Heta êsta hawar ekat Pêman elê: Her behêze lawaz exwat Jîn wa erwat Belam metirsin Meşlejên Herçende kem çaw eybînê Tirûskeyek bedî ekem Le konewe heta êsta Nawî awatî lê enên Bedîy ekem Darî berû Binî roçû Qedî rizî Liqî fewta Leşî sûta Dûkel lenaw sikî hesta Melên seyre belam hêşta Berû mawe Melên seyre gyanî berû nefewtawe Regî qûlî binc û bêxî berû mawe Berû mawe Hîwa mawe Berew awî bin ebziwê Belam regî tînû elê: Min le êwe xwênim ewê Çiray bîrî rûnim ewê Çawim ewê gyanim ewê Mêşkim ewê Destim ewê Hestim ewê Ke datanmê Ewsa berew berzî bo ser rêga ebim Cergî berd û asin ebirim Ser dênme der Wek caranim caranî zûm Erwêmewe Dîsanewe ejêmewe Hîwa le baweş egirim Sirûdî hêz elêmewe Melî jyan dênewe lam Leser popey çil û liqim Exwênnewe Zû bê û direng mel dênewe Ewsa pol pol ekewne rê Bo kam dirext şwênî dûre Wek min cergî serî sûre Dastanî darberûy zîndûy Hîwa girtûy Em wilate egêrnewe Zû bê û direng Min her ebê bijêmewe Ejêmewe ejêmewe
کیژان ئیبراهیم
عەلی عابدی
ڕابەر کوردستانی
ئەردەوان ڕوستەمپوور