با بچینە سەر وەیس

با بچینە سەر وەیس بە تۆبەکاری
تۆبە لە گشتێک هاوار نەک لە دڵداری
گیان گیان و گیان و گیان گیان نازدارەکەم
نیوەشەو ڕابورد هاوار ئینتیزارەکەم

با بچینە سەر وەیس بلاڵینەوە
خەرمانێ لە گوڵ هاوار بماڵینەوە
گیان گیان و گیان و گیان گیان ئازیزەکەم
میوەی ڕەنگاوڕەنگ هاوار شەو پاییزەکەم
بەری ڕەنگاوڕەنگ هاوار شەو پاییزەکەم

با بچینە سەر وەیس وەیسی خۆمانە
پرسیاری لێ کەین هاوار خەتای کاممانە
گیان گیان و گیان و گیان گیان نازدارەکەم
نیوەشەو ڕابورد هاوار ئینتیزارەکەم