هەڵاڵە وەرە

لە نێو کیژانا تەنیا هەڵاڵە
دڵی غەمین و لە سووچی ماڵە
دە مەگری مەگری مەگرە بەهانە
دەنێرم بۆت بێ شەدە لە بانە
ناردوومە بۆت بێ هەوری لە بانە
هەڵاڵە وەرە هەڵاڵە وەرە
کیژە جوانەکەم تاوێ هەڵپەڕە

سوێندم بە سۆزی دڵەی ئەسیرم
تا ساتێ ماوم هەر وای لە بیرم
ئای دە مەگری مەگری مەگرە بەهانە
ناردوومە بۆی بێ هەوری لە بانە
ناردوومە بۆی بێ شەدە لە بانە
هەڵاڵە وەرە هەڵاڵە وەرە
کیژە جوانەکەم تاوێ هەڵپەڕە