شەدەلارەکەم وەرە

لێمگەڕێن دەردی من دەردی دڵە
دەردی دڵ سەختە عەلاجی موشکڵە
حاسڵی عومرم هەموو ئەم نوکتە بوو
تێگەیشتم عومری من بێحاسڵە

شەدەلارەکەم وەرە سەیرانی گوڵان جوانە
دە بێ گیانەکەم دە بێ سەمایە و مەی گێڕانە
سەر دەستەی یاران جێگەی نازداران
کۆڕی دڵداران ئەتپەرەستن
وەک جاری جاران گۆنا گوڵزاران
جەم بوون لە جێژوان هەموو مەستن

بێ بۆ جێژوان عیشق و شەیداییم
دڵتەزێنە دەردی تەنیاییم
مەستم لە نەشئەی دوو چاوانی
سەرخۆشی بادە و مەی گێڕانی
سەر دەستەی یاران جێگەی نازداران
کۆڕی دڵداران ئەتپەرەستن
وەک جاری جاران گۆنا گوڵزاران
جەم بوون لە جێژوان هەموو مەستن

شەدەلارەکەم وەرە سەیرانی گوڵان جوانە
دە بێ گیانەکەم دە بێ سەمایە و مەی گێڕانە
سەر دەستەی یاران جێگەی نازداران
کۆڕی دڵداران ئەتپەرەستن
وەک جاری جاران گۆنا گوڵزاران
جەم بوون لە جێژوان هەموو مەستن