فریشتە

ڕوومەتی وەک گوڵی بێگەرد
زوڵفی خاو ئاوریشمێکی زەرد
چاوی کاڵ ئەگەرچی نەرمە
بەڵام نیگای ئێجگار گەرمە

باڵای وا دەمێکی وا تەنگ
ئەندامی ئاوا شۆخ و شەنگ
وا دیارە من نەمدیوە
لەو چەشنە بەژن یا کەمەر

لەو ڕەنگە کوڵمی گەش و ئاڵ
لاملێکی وا جوان و کاڵ
جوانێکە تاک وەک فریشتە
ئاخ وەسفی من زۆر درشتە

من هەر ئەوەندەم لە دەست دێ
کە دێت وەک کەو تێپەڕ ئەبێ
پێشکەشی کەم یەک هەناسە
پڕ لە پەرستن لە تاسە