تۆ

تۆ هەمیشە دڵت نەرمە دەستت گەرمە
نیگام ئەکەی چاوەکانت پڕ لە شەرمە
کە شیعری کۆنت بۆ ئەڵێم
خێرا پێم ئەڵێی لەبەرمە
هەموو ڕۆژێک شیعرێکی نوێ
وەکو فەرزێکە و لەسەرمانە

ئەم دنیایە کەش و ماتە تۆ بێدەنگ بی
ڕووبارێ بە و وەرە بۆ لام نامەوێ گۆمێ مەنگ بی
تۆ پێکەنینت لێ جوانە شێت ئەبم تۆ دڵتەنگ بی
ئەزانم چۆن شێتت بکەم
ئەزانم چۆن بتهەژێنم
هەموو شتێ ئاسانە بۆم
بەڵام دڵی خۆم ئەشکێنم
جارێکی تر تۆ بگریێنم

بێ دەستم بگرە بۆ سەما هەڵبپەڕە لە سینەما
ئەو تۆزە هۆشەی کە هەمبوو لەم ئەوینەی تۆدا نەما
نازانم چۆن تۆ بدوێنم دڵە جوانەکەت نەشکێنم
دایم ئەڵێی بووکە شووشەی حەزم لێیە بتڕفێنم
لە باخیشا ژوانمان بێ من هەر گوڵت بۆ ئەهێنم
تۆ حەز ئەکەی بە گوڵەوە دەست لە کەمەرت ئاڵێنم
ئەم دنیایە کەش و ماتە تۆ بێدەنگ بی
ڕووبارێ بە و وەرە بۆ لام نامەوێ گۆمێ مەنگ بی
تۆ پێکەنینت لێ جوانە شێت ئەبم تۆ دڵتەنگ بی
ئەزانم چۆن شێتت بکەم
ئەزانم چۆن بتهەژێنم
هەموو شتێ ئاسانە بۆم
بەڵام دڵی خۆم ئەشکێنم
جارێکی تر تۆ بگریێنم