واکە چاکێ سینەگەد دەرس و کتاوم هەر یەسە
بوومە نەزرێ ئەو دەمە جامێ شەراوم هەر یەسە
ڕووژ تا شەو کار و بارم شین و شیوەن کردنە
تاق وە سانم هەر یەسە باخ سەراوم هەر یەسە
هەم پەڕ و و باڵم بەسانە هەم دەمم دۊراننە
تا م بووم و حەرف حەق نەۊشم جواوم هەر یەسە
گشت کەسم دەردت وە گیانم نۊر دیدەی ڕاسەگەم
م چە بۊشم تا تۆ نادانی عەزاوم هەر یەسە
شارێ کرماشان دیارێ عشقە خاپووری نەکەین
خەڕگ کوورە بنیشم خاک و ئاوم هەر یەسە
پەرتەو ئەر ئاوارەم و باوان خراو و دەروەدەر
ئۊشم ئێ زوڵمە نەمینێ ناحساوم هەر یەسە