Be derbederî yan le malî xom
Le xakî ’ereb, le ’îran û rom
Kok û poşte bim, rût û recal bim
Koşkim de qat bê, wêranemal bim
Le azadî azîz şadan û xendan
Yan zincîr le mil le sûçî zîndan
Be herzekarî le gwêswanan
Yan be bîmarî le nexoşxanan
Danîşim leser textî xunkarî
Yan le kolanan bikem hejarî
Kurdim û lerêy kurd û kurdistan
Ser lepênawim gyan leser destan
Be kurdî dejîm be kurdî demirim
Be kurdîş edem weramî qebirim
Bekurdîş dîsan zîndû debmewe
Lew dinyaş bo kurd tê heldeçmewe