Adetî em çerxe waye ehlî dil xemgîn eka
Şa hemîşe mate pîyade meylî cêy ferzîn eka
Eble wa daym le eyş û şadimanî û îzzeta
Ehlî ’îrfan û kemal êstake zarî û şîn eka
Dujmine çerxî felek bo pyawî sahîb ’eqil û hoş
Rûy kerem daym le herze û şêt û bê temkîn eka
Seyrî ken ’aşiq ke çend şête umêdî merhemet
Lew nîgarey dil firîbey zalmey bê dîn eka!
Bêstûn wextê ke laley ehmerî lê sewz ebê
Meşqî lêwî şekkerînî naskî şîrîn eka
’aşiqî mecnûn be yadî dulberî leyla sîfet
Xwênî dû çawî bexur dê damenî rengîn eka
Qet le zîkirî xêrî to xafil nîye 'ehmed' be şew
Her be ummêdî wîsalit ser leser balîn eka
Honrawe: ehmed muxtar caf
Jêder: dîwan ehmed muxtar caf/ çapî yekem 2018/ çapemenî mang