هەێ kelegey bazîdraz
Leywa we şaxeylid menaz
Bazîdraz we rûj û şew
Le jîr xerwarî le tew
Ley ahuweyl çewsye
Hizarhizar we çew dye
Wey wefir naw dûle menûr
Wey derwen çûle menûr
Le jêr lîsk xweretaw
Î wefrîşe hem bûde aw
Ew kawlyeyle hem tyenew
Besatyan leyre xenew
Herşaxêgid kemtir leqû
Zütr keney miştey çeqû
Bazîdraz yanî di raz
Wey aw wefrawe bisaz
Yey razêgê zinyanye
Yey razêgê bîgyanye
Tager wehare dî bidew
Wehartir nyeywinî we çew